31 იანვარი, 2017
ფარულ საგამოძიებო მოქმედებებთან დაკავშირებით მმართველი პარტიის მიერ წარდგენილ კანონპროექტს არასამთავრობო ორგანიზაციები ეწინააღმდეგებიან.
კამპანიაში "ეს შენ გეხება" ჩართული ორგანიზაციები მიიჩნევენ, რომ მსგავსი მოდელის დამტკიცების შემთხვევაში, პარლამენტი საკონსტიტუციო სასამართლოს გადაწყვეტილებას უგულებელყოფს.
სამუშაო ჯგუფის შეხვედრაზე, გუშინ უმრავლესობამ წარადგინა კანონპროექტი, რომლის მიხედვითაც, სატელეფონო და ინტერნეტკომუნიკაციაზე ფარულ მიყურადებას, ასევე ფარულ ვიდეო და აუდიოგადაღებას უსაფრთხოების სამსახურის შემადგენლობაში არსებული უწყება განახორციელებს.
თუ კანონპროექტის ამ სახით მიღება მოხდება, არ არის გამორიცხული, არასამთავრობო ორგანიზაციებმა მესამე ხელისუფლებას კვლავ მიმართონ.