„ნაციონალური მოძრაობის“ ყოფილმა წევრებმა, დღეს, ახალი პოლიტიკური პარტიის პრეზენტაცია გამართეს.
„მოძრაობა თავისუფლებისთვის - ევროპული საქართველო” ყრილობის გამართვას აპრილში გეგმავს. მანამდე კი პარტიამ გენერალური მდივნის მოვალეობის შემსრულებლად გიგი უგულავა წარადგინა. ახალი პარტია თვითმმართველობის არჩევნებისთვის მზადებას იწყებს. პარტიას პარლამეტში ორი ფრაქცია აქვს, თუმცა არ გამორიცხავენ, რომ რეგიონების მიმართულებით მესამე ფრაქციაც შეიქმნას.
პარტიის პრეზენტაციამდე კი „მოძრაობა თავისუფლებისთვის - ევროპული საქართველოს” წარმომადგენლები დიპლომატიურ კორპუსს შეხვდნენ. საუბრის მთავარი თემები იყო ქვეყნის შიდა პოლიტიკური და ეკონომიკური მდგომარეობა, გამოწვევები, მედიის დამოუკიდებლობა და პოლიტიკური ძალის სამომავლო გეგმები.
შეხვედრაზე საუბარი შეეხო ადგილობრივი თვითმმართველობის არჩევნებსა და ახალი პარტიის პერსპექტივებს.