იანვარი 30, 2017
160
საქართველოსა და „გაზპრომს“ შორის დადებული ხელშეკრულების გასაჯაროების შესახებ გადაწყვეტილება მხარეებმა ერთობლივად უნდა მიიღონ - ამის შესახებ ენერგეტიკის მინისტრმა კახა კალაძემ განაცხადა.
მისი განმარტებით, ბოლო დროს გახშირდა წერილები სხვადასხვა მნიშვნელოვანი ხელშეკრულების გასაჯაროების თხოვნით, რაც, ვიცე-პრემიერის აზრით, არასწორია, რადგან, როგორც კალაძე ამბობს, ასეთი შეთანხმებები კომერციული საიდუმლოებაა.
ენერგეტიკის მინისტრი ოპოზიციის მოთხოვნასაც გამოეხმაურა, რომელიც ხელშეკრულების დეტალებზე სასაუბროდ კახა კალაძის პარლამენტში მისვლას ითხოვს.
ვიცე-პრემიერის თქმით, ის პოლიტიკურ შოუებში მონაწილეობას არ აპირებს.
მაჩვენე მეტი