საქართველოს ევროპის საბჭოს გენერალური მდივანი ეწვევა. ვიზიტის ფარგლებში ოფიციალური შეხვედრები საქართველოს საკანონმდებლო და აღმასრულებელი ხელისუფლების წარმომადგენლებთან გაიმართება. განხილული იქნება საქართველო-ევროპის საბჭოს თანამშრომლობის საკითხები, განსაკუთრებული ყურადღება დაეთმობა ოკუპირებულ ტერიტორიებზე არსებულ ვითარებას და ევროპის საბჭოს ჩართულობას კონფლიქტის ზონებში ადამიანის უფლებების დაცვის საკითხებსა და ნდობის აღდგენის პროცესში. ვიზიტის ფარგლებში მხარეები ასევე 2016-2019 წლებისთვის ევროპის საბჭოს სამოქმედო გეგმასაც განიხილავენ.