რუსეთიდან მოსალოდნელ საშიშროებაზეა საუბარი ახალ სამთავრობო დადგენილებაშიც. ოფიციალური თბილისი მთავარ კიბერსაფრთხედ რუსეთს მიიჩნევს.
მზად არის კიბერუსაფრთხოების 2017-2018 წლების ეროვნული სტრატეგია, რომლის ერთი ნაწილი რუსული სპეცსამსახურების კიბერსადაზვერვო საქმიანობას და ორგანიზებულ კიბერშეტევებს ეხება.
დოკუმენტის მიხედვით, 2008 წლის ომის შემდეგ საფრთხის დონე გაზრდილია, მოსკოვის ერთ-ერთი მთავარი მიზანი კი ანტიდასავლური პროპაგანდის ხელშეწყობაა, რისთვისაც კიბერსაშუალებებსაც იყენებს.
თავის დროზე რუსული კიბერშეტევების მსხვერპლი, საქართველოს გარდა, მსოფლიოს რამდენიმე ქვეყანაც გახდა.
ყველაზე გახმაურებული ჰაკერული თავდასხმებით და ახლად დამტკიცებული სტრატეგიის მთავარი გზავნილებით რატი ხვისტანი დაინტერესდა.