სურსათის ეროვნულ სააგენტოში უხარისხო პრეპარატების იმპორტის თავიდან აცილების გზები განიხილეს. აღინიშნა, რომ პესტიციდების და აგროქიმიკატების შესახებ საქართველოს კანონმდებლობა მაქსიმალურად დაუახლოვდა ევროკავშირის კანონმდებლობას. დღეისათვის ქვეყანაში რეგისტრირებულია პესტიციდის 258 მოქმედი ნივთიერება და 715 პრეპარატული ფორმა. ბოლო ორი წელია, არარეგისტრირებული ქიმიკატებით ვაჭრობის ფაქტი ქვეყანაში არ გამოვლენილა. ორგანიზაციის ცნობით ფერმერთა ინტერესების და სამომხმარებლო ბაზრის დაცვის მიზნით, სურსათის ეროვნული სააგენტო სარეალიზაციო ობიექტების შემოწმებას მუდმივად ახორციელებს.