ივანე ჯავახიშვილის სახელობის თბილისის სახელმწიფო უნივერსიტეტის საკალათბურთო გუნდი, „თსუ ჰიუნდაი” სეზონს განახლებული შემადგენლობით ხვდება.
კლუბს სამი ლეგიონერი დაემატა ამერიკის სტუდენტური ლიგიდან. დღეს, თსუ-ს და „ჰიუნდაი ავტო საქართველოს“ შორის ურთიერთთანამშრომლობის მემორანდუმი გაფორმდა, რომელსაც ხელი გიორგი შერვაშიძემ და დავით გიორგობიანმა მოაწერეს.
თბილისის სახელმწიფო უნივერსიტეტის საკალათბურთო კლუბი 1924 წელს დაარსდა. მასში სხვადასხვა დროს თამაშობდნენ ნოდარ ჯორჯიკია, მიხეილ კეკელიძე, სულიკო თოთლაძე და სხვები.
თსუ-ს გუნდი საქართველოს სუპერლიგის ორგზის მეორეადგილოსანია. 2011 წელს კი ქორქია-საკანდელიძის მემორიალური ტურნირი მოიგო.
2014 წლიდან დღემდე გუნდი საქართველოს “ა” ლიგაში გამოდის და ახალი სეზონიდან, უმაღლეს ლიგაში გადასვლას გეგმავს. ამ გუნდის ცხრა წევრი, საქართველოს ოცწლამდელთა ნაკრებში თამაშობს