ვიცეპოლკოვნიკ გია ცერცვაძის საქმეზე კიევის სააპელაციო სასამართლო მიმდინარე კვირის ხუთშაბათს იმსჯელებს. დაკავებულის ადვოკატი პირველი ინსტანციის მიერ შეფარდებულ წინასწარ პატიმრობას ასაჩივრებს.

ცერცვაძის გათავისუფლების მოთხოვნით, უკრაინის საელჩოს დღეს თბილისში პოლიტიკური მოძრაობა "ევროპული საქართველოს" წევრებმა მიმართეს.

საქართველოს პროკურატურას კი მტრული სახელმწიფოსთვის ინფორმაციის მიწოდების მუხლით გამოძიების დაწყებას სთხოვს "ნაციონალური მოძრაობა".

ცერცვაძის შესაძლო ექსტრადაციის საკითხს ეხმაურება სახალხო დამცველიც . უჩა ნანუაშვილის პოზიციით, რუსეთისთვის დაკავებულის გადაცემა არ უნდა მოხდეს.

საქართველოს დაკავებული მოქალაქის ინტერესების დაცვაზე განცხადებებს აკეთებენ სახელისუფლებო გუნდის წევრებიც.