ავსტრალიის ღია საჩოგბურთო ტურნირზე, დღეს პირველი ნახევარფინალისტები გამოვლინდნენ. საუკეთესო ოთხეულში ითამაშებს სტენ ვავრინკა. შვეიცარიელმა ჩოგბურთელმა, სამ სეტში მოუგო ფრანგ ჟო ვილფრედ ცონგას.

მატჩის საფინალო ანგარიშია: 7-6 6-4 6-3. აღსანიშნავია, რომ ვავრინკამ თავისი მეტოქე ზედიზედ მეოთხედ დაამარცხა. ამ წყვილის შეხვედრებში პირველად მოხდა, როდესაც, დამარცხებულმა ვერცერთი სეტის მოგება ვერ შეძლო.

ვავრინკა ნახევარფინალში თანამემამულე როჯერ ფედერერს დაუპირისპირდება. როჯერმა ასევე სამ სეტში გერმანიის წარმომადგენელი მიშა ზვერევი დაამარცხა.

ქალთა შორის წარმატებულ თამაშს განაგრძობს ვენუს უილიამსი. ამერიკელმა ჩოგბურთელმა ანგარიშით 6-4, 7-6 რუსი ანასტასია პავლიუჩენკოვა დაამარცხა.

უფროსი უილიამსი ფინალის საგზურისთვის, კოკო ვანდევეგეს წინააღმდეგ იბრძოლებს, რომელმაც, თავის მხრივ, ესპანელ გარბინ მუგურუზა ბლანკოს აჯობა.