ჩვენ უნდა გავაძლიეროთ ქვეყნის წარმოება, მოვითხოვოთ ქართული იქ, სადაც მივდივართ პროდუქტის შესაძენად და ვიცოდეთ, რომ ამით ჩვენ ვაძლიერებთ ქვეყნის ეკონომიკას, - ასეთია კამპანია “მოითხოვე ქართულის” მთავარი გზავნილი, რომელიც პრეზიდენტმა 12 იანვარს გაახმიანა.

თავის მხრივ, ქართული წარმოების და ექსპორტის ხელშესაწყობად მთავრობას პროგრამაში “აწარმოე საქართველოში” ცვლილებები შეაქვს და პროგრამა ქართული ნაწარმის პოპულარიზების 3 კომპონენტით ფართოვდება. თუმცა, ერთია წარმოების ხელშეწყობა და მეორე – სწორად აწყობილი მარკეტინგი, რაც საერთაშორისო ბაზრებზე შესასვლელად ესაჭიროებათ ადგილობრივ მცირე და საშუალო მეწარმეებს.