„ინფორმაციის თავისუფლების განვითარების ინსტიტუტი“ ხელისუფლებას კიდევ ერთხელ მოუწოდებს ფარული მიყურადების რეგულაციებზე რეფორმა გაატაროს.
არასამთავრობო ორგანიზაციამ ამ თემაზე ანგარიში მოამზადა, სადაც დეტალურად არის ასახული ჩვენს ქვეყანაში ფარულ თვალთვალთან დაკავშირებული პროცესები, საკანონმდებლო რეგულაციები და რისკები, საგამოძიებო სამსახურების მხრიდან უკანონო მოსმენების განხორციელებაზე.
ანგარიშში ასევე გამოყენებულია კავკასიის კვლევითი რესურსების ცენტრის ერთ-ერთი სოციოლოგიური გამოკითხვის შედეგები, რომლის მიხედვითაც საზოგადოებაში კვლავ არსებობს იმის განცდა, რომ სამართალდამცავი ორგანოები არაკანონიერად იყენებენ ფარული მიყურადების ტექნიკურ საშუალებებს.
მსგავსი რისკების არსებობა დაადასტურა საკონსტიტუციო სასამართლომაც 2016 წლის აპრილის გადაწყვეტილებით და არსებული სისტემის შესაცვლელად, პარლამენტს 2017 წლის 31 მარტამდე მისცა ვადა.