საფრანგეთში მიმდინარე მსოფლიოს ჩემპიონატზე ხელბურთში არაერთი სენსაციური შედეგი დაფიქსირდა.

გუშინ, ტურნირს მოქმედი ოლიმპიური ჩემპიონი დანია და ევროპის ჩემპიონი, გერმანია გამოეთიშნენ. დანიელებმა, ბევრისთვის მოულოდნელად, მერვედფინალი უნგრეთთან 25-27 დათმეს. გერმანელებმა კი ყატარის ეროვნულ გუნდთან ერთი ბურთით, ანგარიშით 20-21 წააგეს. უნგრელები მეოთხედფინალში, ნორვეგიელებს დაუპირისპირდებიან. ყატარის მეტოქე, სლოვენია იქნება. მეოთხედფინალური წყვილებიდან ყველაზე აფიშირებული ხორვატიის და ესპანეთის მატჩია. კიდევ ერთ მეოთხედფინალში, მასპინძელი საფრანგეთი, შვედეთის ნაკრებს შეხვდება.