„პატრიოტთა ალიანსი“ საფინანსო კომპანია „საქართველოს“ მეანაბრეებს სოლიდარობას უცხადებს და აპირებს ბიუროს სხდომაზე საგამოძიებო კომისიის შექმნა მოითხოვოს.
გუშინდელ აქციაზე შეხვედრის შემდეგ, დღეს, ირმა ინაშვილმა უკვე პარლამენტში მიიღო დაზარალებულ მოქალაქეთა ნაწილი და მათთან ერთად მოთხოვნათა პაკეტი შეიმუშავა.
ინაშვილის განცხადებით, ასეთი ტიპის პრობლემები არა შიმშილობით, არამედ დიალოგის გზით უნდა გადაწყდეს. ვიცესპიკერი აღნიშნულ საკითხზე პარლამენტში ეროვნული ბანკის პრეზიდენტის მოწვევის აუცილებლობაზეც საუბრობს.
კომპანია „საქართველოს“ მეანაბრე დაახლოებით 2ათას 6 ადამიანი რამდენიმე თვეა, სხვადასხვა უწყებასთან აქციას მართავს და კუთვნილი თანხების დაბრუნებას მოითხოვს.
კომპანიის დამფუძნებლები დაკავებულები არიან.