მელბურნში მიმდინარე ავსტრალიის ღია ჩემპიონატზე ჩოგბურთში მეორე წრის შეხვედრები გაიმართა.

როგორც მოსალოდნელი იყო, მოიგო როჯერ ფედერერმა. ლეგენადრულმა შვეიცარიელმა ამერიკელი ნოა რუბინი სამ სეტში ანგარიშით, 7-5 6-3 7-6 დაამარცხა.

აღსანიშნავია, რომ როჯერი მესამე სეტში 0-4-ს აგებდა, თუმცა შესძლო მობილიზება და ტაი ბრეიკზე იმარჯვა.

ფედერერი მომდევნო ეტაპზე ტომაშ ბერდიხს დაუპირსპირდება. ჩეხმა ჩოგბურთელმა, თავის მხრივ, ამერიკელი რაიან ჰარისონი გამოთიშა ასპარეზობას, რომელსაც ასევე სამ სეტში აჯობა.

ფედერერი და ბერდიხი, ერთმანეთს 23-ედ შეხვდებიან, აქამდე ჩატარებულ 22 მატჩიდან, 16 მსოფლიოს ექს პირველი ნომრის გამარჯვებით დასრულდა.