იმერეთის კრიმინალური პოლიციის ყოფილ უფროსთან ერთად დაკავებულმა დეტექტივ-გამომძიებელმა ბრალი აღიარა.

ზურაბ ჭელიძემ ქრთამის აღებაში თავი დამნაშავედ ცნო. თუმცა არ გამორიცხავს, რომ დაცვის სტრატეგიიდან გამომდინარე, ბრალდებულმა პოზიცია კვლავ შეიცვალოს.

ზურაბ ჭელიძე სექტემბერში კრიმინალური პოლიციის იმერეთის სამხარეო სამმართველოს უფროს გიორგი კაჭარავასთან ერთად დააკავეს.

გამოძიების მტკიცებით, კაჭარავამ ნარკოტიკული საშუალების უკანონოდ შეძენა-შენახვის ფაქტზე მოწმის სახით დაბარებულ მოქალაქეს უსაფრთხოებისა და ხელშეუხებლობის გარანტად, ასევე იმავე ბრალდებით დაკავებული მისი ახლობლისათვის საპროცესო შეთანხმების გაფორმების უზრუნველსაყოფად, გარკვეული თანხის გადახდა მოსთხოვა.