საპარლამენტო და არასაპარლამენტო ოპოზიციური პარტიები საკანონმდებლო ორგანოში 200 ათასი ხელმოწერით შესული საკონსტიტუციო ცვლილებების პაკეტის კენჭისყრაზე დაყენებას ითხოვენ.
ამ საკითხს პირველივე ბიუროს სხდომაზე, შემდეგ კი სესიაზე დააყენებს "პატრიოტთა ალიანსი". დღეს კი, კენჭისყრის მოთხოვნით, პარლამენტში წერილი შეიტანეს მამუკა კაციტაძემ და კახა კუკავამ.
კანონპრიექტი, რომელიც მაჟორიტარული სისტემის გაუქმებას და სამხარეო პროპორციულზე გადასვლას გულისხმობს, უკვე განხილული აქვს მერვე მოწვევის პარლამენტს, დარჩენილია მხოლოდ კენჭისყრა, რასაც კვალიფიციური სუბიექტების საკოორდინაციო საბჭო ახლა მეცხრე მოწვევის დეპუტატებისგან მოითხოვს.
აღნიშნულ საკითხთან დაკავშირებით, დღეს შეხვედრა პარლამენტში "პატრიოტთა ალიანსის" ფრაქციაში გაიმართა.