ბრიტანული ”ოქსფორდ ბრუკსის უნივერსიტეტი” საქართველოში ბიზნესისა და ტექნოლოგიების უნივერსიტეტთან ერთად - ბიზნესადმინისტრირება-ფინანსების საბაკალავრო პროგრამას იწყებს.
პროგრამის კურსდამთავრებულები ორ დიპლომს მიიღებენ. მათ ბიზნესისა და ტექნოლოგიების უნივერსიტეტი მიანიჭებს ბიზნესადმინისტრირების ბაკალავრის ხარისხს ფინანსებში, ხოლო "ოქსფორდ ბრუკსის უნივერსიტეტი" - ბაკალავრის ხარისხს გამოყენებით ფინანსებში.
აღნიშნული პროგრამა ხორციელდება საერთაშორისოდ აღიარებული სტანდარტების შესაბამისად და კურსდამთავრებულს საშუალებას აძლევს, გახდეს სერთაშორისო მოთხოვნების შესაბამისი კადრი დასაქმების მსოფლიო ბაზარზე. სასწავლო პროცესში, ქართველ და უცხოელ პროფესორებთან ერთად, მონაწილეობას მიიღებენ აუდიტორული კომპანიის "ბეიკერ ტილის" სპეციალისტები. პროგრამის კურსის საფასური 6 950 ლარია.