საქართველოს პრეზიდენტის და პირველლი ლედის ინიციატივით, პრეზიდენტის სასახლეში საქართველოში ბავშვთა კეთილდღეობის გამოწვევების შესახებ საერთაშორისო ფორუმი ჩატარდა.

ფორუმი გიორგი მარგველაშვილმა გახსნა. ფორუმის მთავარი მიზანი ბავშვთა კეთილდღეობის სფეროში არსებული გამოწვევების გამოვლენა და განხილვაა, რათა დროულად მოხდეს რეაგირებისთვის საჭირო ნაბიჯების განსაზღვრა და გადაწყვეტილების მიმღებთათვის მათი შეთავაზება.

ფორუმში მონაწილეობდნენ ბავშვთა უფლებებზე მომუშავე ადგილობრივი და საერთაშორისო ორგანიზაციები, დონორები და დიპლომატიური კორპუსი.