ეროვნულ-დემოკრატიული ინსტიტუტი დღეს საზოგადოებრივი აზრის კვლევის პოლიტიკურ ნაწილს წარადგენს.
„ახალგაზრდა იურისტთა ასოციაცია“ ენერგეტიკის სამინისტროს რუსულ კომპანია „გაზპრომთან“ მიღწეული შეთანხმების შესახებ ინფორმაციას სთხოვს.
„გაზპრომთან“ გაფორმებულ ხელშეკრულებას მესამე სექტორში აკრიტიკებენ.
საქართველოს პირველი ლედი მისი ძმის, მიხეილ მგალობლიშვილის საქმეზე საუბრობს.
საქალაქო სასამართლოში „ცენტრპოინტის“ საქმის მაგნოლიას ეპიზოდზე სხდომა დღეს განახლდება.
სასჯელაღსრულებისა და პრობაციის სამინისტრო რუსთავის ნომერ მე-6 პენიტენციურ დაწესებულებაში მსჯავრდებულის გარდაცვალების ფაქტზე განცხადებას ავრცელებს.
გუშინ, გვიან ღამით, თბილისში, ყაზბეგის გამზირზე ავტოსაგზაო შემთხვევა მოხდა.
ესპანეთში საქართველოს პრემიერ-მინისტრის ვიზიტი გრძელდება.
საქართველოს პრემიერ-მინისტრს „ელ პარდოს“ სასახლეში ესპანეთის მეფე ფელიპე VI-მ უმასპინძლა.
ერგნეთში ინციდენტების პრევენციისა და მასზე რეაგირების მექანიზმის ფარგლებში მორიგი შეხვედრა დღეს გაიმართება.
დღესKკვალიფიციურ სუბიექტთა საკოორდინაციო ჯგუფი „პატრიოტთა ალიანსის“ ფრაქციის წარმომადგენლებს ხვდება.
საკონსტიტუციო კომისია მუშაობას 21 იანვრიდან დაიწყებს, უკვე ცნობილია კომისიაში შემავალი ჯგუფების სამუშაო გრაფიკი.
მთავრობის მიერ შემუშავებულ ლარიზაციის გეგმას ექსპერტები კვლავ არაერთგვაროვნად აფასებენ.
განათლების სამინისტროს აუდიტის სამსახურმა ადიგენში, მოხის სკოლაში მომხდარი სავარაუდო დისკრიმინაციის ფაქტის შესწავლა დაიწყო.
სულ მცირე 50 ადამიანი დაიღუპა და 100-ზე მეტი დაშავდა ნიგერიაში ავიაიერიშის შედეგად.
ევროპარლამენტის ახალი პრეზიდენტი იტალიელი პოლიტიკოსი ანტონიო ტაიანი გახდა.
გაეროში შეერთებული შტატების მუდმივი წარმომადგენელი სამანტა პაუერი რუსეთს მსოფლიო წესრიგის დარღვევაში ადანაშაულებს.
შეერთებული შტატების პრეზიდენტმა ბარაქ ობამამ ამერიკელ ტრანსგენდერ სამხედროს, ჩელსი მენინგს, რომელსაც ვიკილიქსისთვის საიდუმლო დოკუმენტების გადაცემისთვის 35 წლიანი პატიმრობა ჰქონდა შეფარდებული, სასჯელის ვადა შეუმცირა.
რუსეთის ხელისუფლებამ დაზვერვის ცენტრალური სააგენტოს ყოფილ თანამშრომელს, ედვარდ სნოუდენს ქვეყანაში ცხოვრების ნებართვა 2 წლით გაუხანგრძლივა.
საერთაშორისო დემოკრატიული განვითარების ცენტრმა ქველმოქმედებისათვის ფონდები და ორგანიზაციები, ასევე, სატელევიზიო გადაცემები დააჯილდოვა.