"ნაციონალურმა მოძრაობამ" 20 იანვრის ყრილობისთვის დელეგატების შერჩევა დაასრულა. ამ დროისთვის 7 ათას 136 დელეგატია რეგისტრირებული. განცხადება ამის შესახებ ნინო კალანდაძემ გააკეთა.

მისი ინფორმაციით, ყრილობაზე არჩეული იქნება ახალი მმართველი ორგანო, პოლიტიკური საბჭო და მისი თავმჯდომარე. ძირითადი ყურადღება პოლიტიკური ლიდერების გამოსვლას დაეთმობა.

კალანდაძის განცხადებით, ყრილობაზე დასწრების მსურველთა სიმრავლის გამო, დღეიდან "ნაციონალრი მოძრაობის" ცენტრალურ ოფისში და სააკაშვილის საპრეზიდენტო ბიბლიოთეკაში მოსაწვევებს დაარიგებენ.