„ევროპული საქართველო“ „ერთიანი ნაციონალური მოძრაობის“ ბრალდებებს პასუხობს.

მათ მიერ გავრცელებულ განცხადებაში ნათქვამია, რომ „ევროპული საქართველო “„ნაციონალურ მოძრაობას“ ფრაქციის შექმნაში ხელს არ უშლის და ტექნიკური და იურიდიული საკითხების მოსაგვარებლად კონსულტაციების გასაწევადაც მზად არის.

„ნაციონალურ მოძრაობაში“ დღეს გამართულ ბრიფინგზე, ყოფილი თანაგუნდელების ქმედებებს ორმაგი თამაში და პროცედურული ხრიკები უწოდეს.

თინა ბოკუჩავას განცხადებით, „ერთიანი ნაციონალური მოძრაობიდან“ წასული ის მცირე ჯგუფი, რომელმაც პარტიიდან გასვლის შესახებ განცხადება 12 იანვარს გააკეთა, პარლამენტში, „ნაციონალური მოძრაობის“ ფრაქციის დატოვებაზე უარს აცხადებს.