საქართველოს საპატრიარქო გულრიფშის რაიონის სოფელ წებელდაში მომხდარ ვანდალურ ფაქტს ეხმაურება.
საპატრიარქო მე-20 საუკუნის შუა ხანების სასაფლაოს და გვიანი შუა საუკუნეების ნასოფლარის და ეკლესიის ნანგრევების განადგურებას საგანგაშოდ მიიჩნევს.
“ყველანი უნდა გავერთიანდეთ, რათა წებელდეს ციხე-სიმაგრესაც საშიშროება არ დაემუქროს და მსგავსი რამ სხვაგან აღარ განმეორდეს. აუცილებლობად მიგვაჩნია, ხელისუფლებამ გამოძებნოს გზა, რათა იუნესკოს სპეციალისტების საშუალებით როგორც აფხაზეთში, ისე ცხინვალის რეგიონში არსებული ისტორიული ძეგლების მონიტორინგი მოხდეს, რადგან ქართველ სპეციალისტებს მათი დაცვა-რესტავრაციის შესაძლებლობა არ ეძლევათ", – ნათქვამია საპატრიაქროს მიერ გავრცელებულ განცხადებაში.
შეგახსენებთ, რომ ეკლესიის საძირკველი და პოლონელების სამარხები რუსეთის საოკუპაციო ძალებმა მძიმე ტექნიკით გაანადგურეს.