სირიაში საზავო შეთანხმება ძირითადად სრულდება, თუმცა დამასკოს რაიონში ოპოზიციასა და სახელისუფლებო ძალებს შორის მიმდინარე ბრძოლებმა შესაძლოა ყაზახეთში დაგეგმილი სამშვიდობო მოლაპარაკებების ჩაშლა გამოიწვიოს – ამის შესახებ სირიის საკითხებში გაეროს სპეციალურმა წარმომადგენელმა განაცხადა.

სტაფან დე მისტურას თქმით, ცეცხლის შეწყვეტის გამოცხადების მიუხედავად, სირიაში ჯერ კიდევ რჩება რაიონები, სადაც ჰუმანიტარული ტვირთის ჩატანა ვერ ხერხდება.

დამასკოსთან ახლოს ბრძოლები წყალმომარაგების სისტემაზე კონტროლის მოპოვებისთვის მიმდინარეობს. სირიის ხელისუფლება ამბობს, რომ დედაქალაქის 5 მილიონი მცხოვრები სუფთა სასმელ წყალს ვერ იღებს.