რუსი სამხედროების მიერ წებელდას ისტორიული ძეგლის განადგურებას გმობენ საგარეო საქმეთა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატში.
ოკუპირებულ აფხაზეთში მე-8 საუკუნით დათარიღებული ტაძრის დანგრევის ფაქტს უწყებებში ვანდალიზმად აფასებენ და საერთაშორისო თანამეგორობას რეაგირებისკენ მოუწოდებენ.
გულრიფშის რაიონში არსებული ეკლესია, გუშინ, რუსული სამხედრო პოლიგონის მშენებლობას შეეწირა. შენობა საოკუპაციო ძალებმა მძიმე ტექნიკით გაანადგურეს. განადგურებულია დასახლებაში კომპაქტურად ჩასახლებული პოლონელების სამარხები და საფრთხეშია კიდევ ერთი ისტორიული ძეგლი-წებელდას ციხე-სიმაგრე.
სოფელს, სადაც მორიგი ვანდალური შემთხვევა მოხდა, ბოლო წლებია, რუსული სამხედრო წვრთნებისთვის იყენებენ.