ისრაელის პრეზიდენტის საქართველოში ვიზიტი დასრულდა. ვიზიტის ბოლოს სტუმარმა გმირთა მემორიალი ყვავილებით შეამკო, მანამდე კი პარლამენტის თავმჯდომარეს შეხვდა.

მხარეებმა ორ ქვეყანას შორის საპარლამენტო ურთიერთობების გაღრმავებაზე ისაუბრეს, განიხილეს ურთიერთობა ეკონომიკის, სოფლის მეურნეობის, ჯანდაცვისა და სოციალურ მიმართულებებზე.

პარლამენტის წევრების შეფასებით, მსგავსი მაღალი რანგის ვიზიტი ისრაელის სახელმწიფოს მხრიდან მომავალი თანამშრომლობის გაძლიერების დასტურია.