ე.წ. ფარული მოსმენების საკითხზე შექმნილი სამუშაო ჯგუფი 32 წევრისგან დაკომპლექტდა. პირველი შეხვედრა დღეს 2 საათზეა ჩანიშნული.
აუდიენციის ფარგლებში საპარლამენტო უმრავლესობა იმსჯელებს, მისაღებია თუ არა მესამე სექტორის მიერ მომზადებული მოდელი, რომლის მიხედვითაც, ე.წ. ფარული მოსმენების გასაღები სპეციალურად შექმნილ დამოუკიდებელ ორგანოს უნდა ეკუთვნოდეს.
აღნიშნული ინიციატივა არასამთავრობო ორგანიზაციებმა მას შემდეგ მოამზადეს, რაც საკონსტიტუციო სასამართლომ მოსმენების შესახებ კანონი არაკონსტიტუციურად ცნო.
საპარლამენტო უმრავლესობის წევრები თანხმდებიან რომ კანონპროექტის მომზადების დროს გათვალისწინებული უნდა იყოს როგორც ადამინის უფლებები, ისე ქვეყნის უსაფრთხოება.
პარლამენტს ფარული მიყურადების შესახებ სამართლებრივი ნორმების შემუშავებისთვის დრო 31 მარტამდე აქვს.