კრიზისი ,,ნაციონალურ მოძრაობაში”: უთანხმოება იმდენად მწვავდება, რომ ლიდერები სიტყვიერ დაპირისპირებას საჯაროდ, ტელეკამერების წინაც აღარ ერიდებიან.
ციხიდან სამი დღის წინ გამოსული გიგი უგულავა, რომელმაც შემრიგებლის ფუნქცია საკუთარ თავზე აიღო, მიხეილ სააკაშვილთან სატელეფონო საუბრის შემდეგ ამბობს, რომ კრიზისიდან გამოსვლის შანსი მინიმალურია. ბოკერიას გუნდის წევრები პარტიის დაშლას ადასტურებენ.
განსაკუთრებული კრიტიკის სამიზნე დღესაც ნიკა მელია იყო, რომელსაც ყოფილი პრეზიდენტის გუნდში გადასვლის შემდეგ ფრაქციის თავმჯდომარეობიდან გადაყენებას უპირებენ.
ურთიერთბრალდებები და ხმაური პარლამენტში: სალომე ქოქიაშვილი ისაუბრებს დაშლის პირას მისული პარტიის შესახებ.
განხეთქილებაა რაიონულ ორგანიზაციებშიც. სააკაშვილის მხარდამჭერებისთვის ჩაკეტილი კარი და ღია ცის ქვეშ ჩატარებული კონფერენცია: სადავო ყრილობისთვის დღეს დელეგატები ხულომაც აირჩია.
შორენა ხვიჩია შემოგვიერთდება რამდენიმე წუთში პირდაპირ ეთერში.