სოფელ შორაპანთან საავტომობილო მოძრაობა შეზღუდულია. მიზეზი გაწმენდითი სამუშაოებია, რომელიც უკვე დასრულების ეტაპზეა.
6 იანვარს, ღამით თბილისი–სენაკი–ლესელიძის საავტომობილო გზის 188-ე კმ-ზე (სოფ. შორაპანთან) გზის სავალ ნაწილზე დიდი მოცულობის მიწა-კლდოვანი მასა ჩამოვიდა, რის გამოც ყველა სახის ავტოტრანსპორტის მოძრაობა აიკრძალა.
ადგილზე მობილიზებული იყო საავტომობილო გზების დეპარტამენტის შესაბამისი სამსახურები და ტექნიკა. გზის გაწმენდითი სამუშაოები ინეტნსიურ რეჟიმში ხორციელდება, დაემატა რამდენიმე ერთეული მძიმე ტექნიკა დიდი ზომის ლოდების დასაშლელად.
ამ ეტაპზე, ავტოტრანსპორტის მოძრაობის ნაკადი გადართულია გომი-საჩხერე-ჭიათურა-ზესტაფონის გზაზე, ხოლო მისაბმელიანი და ნახევრადმისაბმელიანი ავტოტრანსპორტის მოძრაობა აღნიშნული მიმართულებით აკრძალულია.