მომდევნო ექვსი წლის განმავლობაში საზოგადოებრივ მაუწყებელს ვასილ მაღლაფერიძე უხელმძღვანელებს. ახალი გენერალური დირექტორი სამეურვეო საბჭომ ექვსი ხმით აირჩია.
თინათინ ბერძენიშვილთან ხმების გაყოფის გამო, ფარული კენჭისყრის ხელახლა ჩატარება გახდა საჭირო, რა დროსაც მაღლაფერიძემ რვიდან ექვსი ხმა მიიღო.
გრძელვადიანი სამოქმედო გეგმის გაწერა, მედია-ბაზარზე მაუწყებლის ერთ-ერთ მთავარ მოთამაშედ ქცევა, სანდოობის ზრდა და ტელევიზიის ინვენტარიზაცია - ასეთია ახლად არჩეული ხელმძღვანელის ნომერ პირველი პრიორიტეტები.
ბორდის დღევანდელ არჩევანს უკვე მოჰყვა ნეგატიური რეაქციები საბჭოს ორი წევრის და რამდენიმე მედიაექსპერტის მხრიდან, რომლებიც ახალი გენერალური დირექტორის წარსულ საქმიანობაზე მიუთითებენ და მის არჩევას პოლიტიკურ გადაწყვეტილებად აფასებენ.