მოახლოებულმა ყრილობამ ,,ნაციონალური მოძრაობა” შესაძლოა დაშლამდე მიიყვანოს. პარტიის აღმასრულებელ მდივანს თანაპარტიელების ერთი ნაწილი მწვავედ აკრიტიკებს.
მიხეილ სააკაშვილის ფრთა სერგო რატიანის იმ მიმართვითაა გაღიზიანებული, რომელიც რაიონულ ორგანიზაციებში გაიგზავნა. წერილში რატიანი ყრილობის მოსამზადებელ სამუშაოებს არაკანონიერად, დაანონსებული ყრილობის შედეგებს კი არალეგიტიმურად აცხადებს.
პასუხად ყოფილი პრეზიდენტის მხარდამჭერები ყრილობის ლეგიტიმურობას პოლიტსაბჭოს ბოლო სხდომით ამყარებენ და გიგა ბოკერიას გუნდს 7000-კაციანი ღონისძიების მიზანმიმართულად ჩაშლაში ადანაშაულებენ.
ყრილობას, სადაც ახალი თავმჯდომარის არჩევა-არარჩევის საკითხიც უნდა გადაწყდეს, მიხეილ სააკაშვილის გუნდის წევრების მიერ დაკომპლექტებული კომისია ამზადებს.