საზოგადოებრივი მაუწყებლის გენერალური დირექტორის პოსტზე გამოცხადებული კონკურსი ფინალურ ეტაპზეა. 14 კანდიდატიდან მეორე ტურში მხოლოდ ხუთი გადავიდა. მათ შორის ერთს სამეურვეო საბჭო ფარული კენჭისყრით 6 იანვარს შეარჩევს.
მანამდე კი კონკურსის მონაწილეებმა გასაუბრება უნდა გაიარონ, რომელიც ხვალ და ზეგ გაიმართება.
ნინო ზაუტაშვილი, თინათინ ბერძენიშვილი, ვასილ მაღლაფერიძე, ნათია კუპრაშვილი და ზაალ ანჯაფარიძე - სწორედ ეს ადამიანები იბრძოლებენ მაუწყებლის ხელმძღვანელობისთვის.
თითოეული მათგანი პოლიტიკური მიუკერძოებლობის პირობას დებს. თუმცა ბორდის ზოგიერთ წევრს ამ მხრივ გარკვეული კითხვები აქვს. გასაუბრების პროცესი საჯარო იქნება, ერთ-ერთი კანდიდატი სამეურვეო საბჭოს ფარული კენჭისყრის გასაჯაროებასაც სთხოვს.
რა რეაქციები მოჰყვა კანდიდატებისგან პირველი ტურის შედეგებს - სალომე ქოქიაშვილი დეტალებით.