თურქმა სამართალდამცველებმა სტამბოლის ღამის კლუბზე თავდასხმასთან კავშირში მყოფი 12 პირი დააკავეს. მთავარი ეჭვმიტანილის ძიება კი ამ დრომდე გრძელდება.

სავარაუდო თავდამსხმელის ფოტო პოლიციამ ორშაბათს გაავრცელა, სამართალდამცველებს აქვთ ასევე მისი თითების ანაბეჭდები.

ღამის კლუბ "რეინაზე" ახალი წლის ღამეს განხორციელებულ თავდასხმას 39 ადამიანის სიცოცხლე ემსხვერპლა, 70 კი დაშავდა.

დაღუპულთა უმეტესობა უცხო ქვეყნის მოქალაქეა. შემთხვევის დროს კლუბში, სულ მცირე, 400 ადამიანი იმყოფებოდა.