2016 წელს აჯამებენ მსოფლიოში. ტექნოლოგიურ ბიზნესში, მიმდინარე წელი დანაკარგებით სრულდება სამხრეთ კორეული "სამსუნგისთვის". ყველაზე დიდი დანაკარგის მომტანი, სმარტფონ "გალაქსი ნოუთ შვიდის" უიღბლო დებიუტი აღმოჩნდა.

12 დეკემბრისთვის, მსოფლიოს მასშტაბით, 3 მილიონი გაყიდული სმარტფონიდან "სამსუნგმა" 2 მილიონ 700 ათასი ბაზრიდან უკვე ამოიღო, ზარალი კი 6 მილიარდ 170 მილიონ დოლარს უტოლდება.

ამავე პერიოდში ამერიკულმა კორპორაცია" ეფლმა" ახალი, რიგით მეშვიდე აიფონი წარადგინა, სწორედ მისთვის უნდა გაეწია კონკურენცია "ნოუთ 7"-ს. ერთ-ერთ მთავარ სენსაციად იქცა უსადენო ყურსასმენები, თუმცა, "ეფლის" გულშემატკივრები მისი ფასით არასასიამოვნოდ გაკვირვებული დარჩნენ.

2016 წელი წარმატებული აღმოჩნდა იაპონური კომპანია "ნინტენდოსთვისაც", რომლის თამაშმაც „პოკემონ გოუმ“ კომპანიის კაპიტალიზაცია მნიშვნელოვნად გაზარდა. ასევე მსგავს პოპულარობას უწინასწარმეტყველებენ კომპანიის ახალ თამაშსაც - "სუპერ მარიო"-ს, რომელიც, ჯერჯერობით, მხოლოდ აიოს სისტემის მომხმარებლებისთვისაა ხელმისაწვდომი.