ატვირთვა
ავტორიზაცია რეგისტრაცია
5 108 010
ნახვა
345
ხელმომწერი
23 824
ვიდეო

ნიკა გვარამია „რუსთავი 2“- ისთვის ყადაღის მოხსნას ითხოვს

გაზიარება
დეკემბერი 29, 2016
175
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„რუსთავი 2“-ის გენერალური დირექტორი ნიკა გვარამია ტელევიზიისთვის ყადაღის მოხსნას ითხოვს.

ამის შესახებ გვარამიამ დღეს გამართულ ბრიფინგზე განაცხადა, სადაც ტელეკომპანიაში არსებულ ფინანსურ პრობლემებზე ისაუბრა.

„წელიწადზე მეტი გავიდა, რაც „რუსთავი 2“-ისა და „ტვ საქართველოს“ მთელ ქონებას ადევს ყადაღა, შესაბამისად ჩვენ მოკლებული ვართ შესაძლებლობას მივმართოთ ბანკებს ოვერდრაფტისთვის ან სესხისთვის. ამ ხნის განმავლობაში ჩვენ არცერთი დღით არ დაგვიგვიანებია ხელფასის გაცემა, სამწუხაროდ, ვაგვიანებთ ვალდებულების გაცემას კრედიტორების წინაშე, ვაგვიანებთ საგადასახადო ვალდებულების აღსრულებას. უკვე ერთი თვეა, რაც „რუსთავი 2“-მა ვერ შეძლო დეკლარირებული გადასახადი სახელწიფო ხაზინაში ჩაერიცხა.

სამწუხაროდ უზენაესმა სასამართლომ ვერ გამონახა დრო, რომ ემსჯელა ჩვენს შუამდგომლობაზე, ვიდრე სასამართლო დასრულდებოდა ყადაღა მოხსნილიყო და ჩვენ შეგვძლებოდა ფინანსური ოპერირება და დღეს უკვე მივედით ამ მდგომარეობამდე, როდესაც ჩვენ შეგვიძლია ჩვენი შიდა ვალდებულებების გასტუმრება, მაგრამ უკვე გვიდგას პრობლემა გარე ვალდებულებების გასტუმრების და მათ შორის საგადასახადო ვალდებულებების გასტუმრების.

მივმართავ საქართველოს ხელისუფლებას, სასამართლო ხელისუფლებას, დაანებეთ „რუსთავი 2“-ს თავი. გადაწყვიტეთ „რუსთავი 2“-ის საქმე ობიექტურად და ვიდრე ამ გადაწყვეტილებას მიიღებდეთ, მოხსენით ყადაღა, რომელიც მხოლოდ იმას ემსახურება, რომ შეუძლებელი გახდეს ჩვენი ფინანსური საქმიანობა ისე როგორც ეს შეეფერება ამხელა კომპანიას“, - განაცხადა გვარამიამ.

მაჩვენე მეტი