სომხეთ-აზერბაიჯანის საზღვარზე შეტაკებას ოთხი ადამიანის სიცოცხლე ემსხვერპლა. ინფორმაციას სომხეთის თავდაცვის სამინისტრო ავრცელებს. უწყების ცნობით, აზერბაიჯანის დივერსიული ჯგუფი სასაზღვრო რაიონში სომხეთის კონტროლირებად ტერიტორიაზე შესვლას შეეცადა.

სომხური მხარე სამი ჯარისკაცის, მათ შორის, ერთი ოფიცრის დაღუპვაზე საუბრობს, ერთი გარდაცვლილი კი აზერბაიჯანელი ჯარისკაცია.

სომხეთის თავდაცვის სამინისტროს მიერ გავრცელებულ ინფორმაციას აზერბაიჯანული მხარე არ ადასტურებს, თუმცა ბაქოში ამბობენ, რომ სომხეთის კონტროლირებადი სოფლებიდან, ცეცხლის შეწყვეტის რეჟიმი, ბოლო 24 საათში 39-ჯერ დაირღვა.