კითხვა, რომელიც ახალი წლის მოახლოებასთან ერთად აქტუალური ხდება. რა დაჯდება წელს საახალწლო სუფრის მომზადება. რეპორტაჟზე მუშაობის დროს ,,მოამბის” ჟურნალისტი ბაზრებში იმყოფებოდა. მოვაჭრეების და მოსახლეობის აზრი ორად არის გაყოფილი.
ლარის მკვეთრი გაუფასურების ფონზე მოქალაქეების ნაწილი ამბობს, რომ სასურსათო პროდუქტები საგრძნობლად არის გაძვირებული. თუმცა საპირისპიროს ამტკიცებენ მოვაჭრეები, რომლებიც ფასების უმნიშვნელოდ მატებაზე საუბრობენ და მყიდველების სიმცირეს უჩივიან. 250 ლარი - ეს არის მინიმალური თანხა, რომელიც აუცილებელი სადღესასწაულო კერძებისთვის საჭირო პროდუქციის შესაძენად დაგჭირდებათ.
საახალწლო სამზადისის პარალელურად, მოქალაქეების მთავარი ყურადღება სავალუტო პუნქტებისკენ არის მიმართული. რამდენიმედღიანი გამყარების შემდეგ, ეროვნული ვალუტის კურსი, დღეს, ერთი თეთრით ისევ დაეცა.