მართლმსაჯულების რეფორმის მესამე ტალღის სახელით ცნობილი საკანონმდებლო პაკეტი ხვალ მესამე მოსმენით იქნება მიღებული, - ამის შესახებ პარლამენტის თავმჯდომარე ირაკლი კობახიძემ საზოგადოებრივის გადაცემა „მთავარის“ ეთერში განაცხადა.

კობახიძის განცხადებით, ხელისუფლება ასრულებს დანაპირებს იმის შესახებ, რომ სასამართლო რეფორმის მესამე ტალღა ახალ წლამდე დასრულდებოდა.

რაც შეეხება კანონპროექტის მეორე მოსმენისთვის დაბრუნებას, კობახიძის თქმით, ეს იმისათვის გაკეთდა, რომ პარლამენტს ახალი ნორმების უკეთ განხილვის შესაძლებლობა ჰქონოდა.