თბილისის საკრებულომ პარკირების წესში ცვლილებები დაამტკიცა. ახალი წლის შემდეგ, შეზღუდვები შეეხება მოძრავ სავაჭრო ობიექტებს. რეგულაციის მიხედვით, მათ პარკირების საფასურის გადახდა მოუწევთ ან ვალდებულნი იქნებიან, სავაჭრო საქმიანობის გასაგრძელებლად, იჯარით აიღონ მუნიციპალური ან კერძო ტერიტორიები.

უფასო იქნება პარკირება ელექტროძრავიანი ტაქსებისთვის, მერიის ცნობით, ეს ინიციატივა დღის წესრიგში კომპანიების თხოვნით დადგა.

ცვლილებები შეეხება შშმ პირების პარკირებასაც. ახალი წესის მიხედვით, პარკირებისთვის განკუთვნილი საშვი, მათ იმ შემთხვევაშიც გადაეცემათ, თუ მფლობელობაში არ ჰყავთ ავტომობილი.