„მაესტროს“ საინფორმაციო გამოშვება არ გაუქმდება, თუმცა იგეგმება არხზე რეორგანიზაცია. ეს ირაკლი რუხაძის განცხადებაა.

ტელეკომპანია „იმედის“ სამეურვეო საბჭოს ხელმძღვანელსა და „მაესტროს" მენეჯმენტს შორის შეხვედრა დასრულდა.

როგორც აუდიენციის შემდეგ რუხაძემ ჟურნალისტებთან საუბრისას განაცხადა, კანონმდებლობა არ კრძალავს ერთ ჰოლდინგში გაერთიანებულ „იმედს" და „მაესტროს" სხვადასხვა საინფორმაციო გამოშვებები ჰქონდეს.

„მაესტროს" საზოგადოებასთან ურთიერთობის სამსახურის უფროსის ინფორმაციით, შეხვედრა სამუშაო ხასიათის იყო.