პარლამენტი საქართველოს საგარეო პოლიტიკის შესახებ რეზოლუციის მიღებას გეგმავს. 12-პუნქტიანი დოკუმენტის ავტორი ფრაქცია ”ქართული ოცნებაა”. განხილვა უახლოეს დღეებში დაიწყება.
პროექტის მიხედვით, საგარეო პოლიტიკის უმთავრეს ამოცანად ქვეყნის სუვერენიტეტის განმტკიცება, დეოკუპაცია და მშვიდობიანი გზით ტერიტორიული მთლიანობის აღდგენა ცხადდება.
უალტერნატივო პრიორიტეტი იქნება ქვეყნის გაწევრიანება ნატო-სა და ევროკავშირში, ქვეყნის მთავარ სტრატეგიულ პარტნიორად და მოკავშირედ კი ამერიკის შეერთებული შტატებია მითითებული.
პროექტში ნათქვამია ისიც, რომ საქართველო, საერთაშორისო მექანიზმების გამოყენებით, რუსეთთან რაციონალურ პოლიტიკას გააგრძელებს.
დოკუმენტში საუბარია საერთაშორისო უსაფრთხოებისა და სტაბილურობის განმტკიცების მიზნით მიმდინარე სამხედრო ოპერაციებში საქართველოს მონაწილეობის აუცილებლობაზეც.