შეერთებული შტატების ახლად არჩეული პრეზიდენტის დონალდ ტრამპის განცხადებით, რუსეთის პრეზიდენტ ვლადიმერ პუტინისგან სასიამოვნო წერილი მიიღო, რომელშიც კრემლის ლიდერი ორმხრივი ურთიერთობების აღდგენის სურვილს გამოთქვამს.
გზავნილი 15 დეკემბრით თარიღდება. წერილში ვლადიმერ პუტინი იმედოვნებს, რომ როდესაც ტრამპი პრეზიდენტის თანამდებობას დაიკავებს, მოსკოვისა და აშშ-ის ურთიერთობები დარეგულირდება.
„იმედი მაქვს, რომ როდესაც აშშ-ის პრეზიდენტის თანამდებობას დაიკავებთ, შეგვეძლება კონსტრუქციულად და პრაგმატულად ვიმოქმედოთ, რათა რეალური ნაბიჯები გადაიდგას ორმხრივი თანამშრომლობის აღსადგენად სხვადასხვა სფეროში და ჩვენს ქვეყნებს შორის ურთიერთთანამშრომლობა საერთაშორისო არენაზე ხარისხობრივად ახალ დონეზე აღდგეს“ - წერს პუტინი ტრამპს.