საზოგადოებრივი მაუწყებლის გენერალური დირექტორის თანამდებობის დაკავების მსურველთა განაცხადების მიღება გრძელდება.
მაუწყებელში განცხადება დღეს გადაცემა “რეალური სივრცის” ავტორმა და წამყვანმა ნინო ზაუტაშვილმა შეიტანა. ცნობილია კიდევ 5 მსურველის ვინაობა.
კონკურსში მონაწილეობის მისაღებად, ამ დროისთვის მაუწყებლის სამეურვეო საბჭოს განცხადებით ბაჩუკი ბახტაძემ, რევაზ შალიბაშვილმა, ზაალ ანჯაფარიძემ, გიორგი ქავთარაძემ და ვასილ მაღლაფერიძემაც მიმართეს.
შეგახსენებთ, რომ საზოგადოებრივი მაუწყებლის სამეურვეო საბჭომ გენერალური დირექტორის ვაკანტურ თანამდებობაზე ღია კონკურსი 2016 წლის 28 ნოემბერს გამოაცხადა. განცხადებების მიღება 28 დეკემბერს დასრულდება და ამის შემდეგ, კანონით დადგენილი სამი დღის ვადაში, კანდიდატთა სია გამოქვეყნდება.