საკონსტიტუციო კომისია პირველ სხდომას ხვალ გამართავს - კომისიის 73 წევრი უკვე დამტკიცებულია.
მიუხედავად იმისა, რომ პარლამენტის დადგენილება სამუშაო ჯგუფში პრეზიდენტის ადმინისტრაციის ჩართულობასაც ითვალისწინებს, კომისიის მუშაობაში გიორგი მარგველაშვილის წარმომადგენლები მონაწილეობას არ მიიღებენ.
შეთავაზებაზე უარი თქვა პარლამენტის ყოფილმა თავმჯდომარემ დავით უფუაშვილმა.
ქვეყნის უზენაეს კანონში ცვლილებების შესატანად პარლამენტში წარმოდგენილი სუბიექტები - 4 არასაპარლამენტო პარტია, არასამთავრობო ორგანიზაციები და ექსპერტები იმუშავებენ.
კომისიის პერსონალური შემადგენლობის დამტკიცების შესახებ განცხადება ირაკლი კობახიძემ გააკეთა. საკანონმდებლო ორგანოს თავმჯდომარე იმედოვნებს, რომ კომისიის მუშაობაში პრეზიდენტის ადმინისტრაციაც ჩაერთვება.
კონსტიტუციაში ცვლილებების მოსამზადებლად კომისიას ვადა პირველ ეტაპზე 2017 წლის 30 აპრილამდე აქვს.