კიდევ ერთი საკითხი, რომელიც პლენარულ სხდომაზე ოპოზიციის მხრიდან ბრალდებების მიზეზი გახდა - სამშენებლო კომპანია "ემ-კვადრატის" მოთხოვნას უკავშირდება.

კომპანია საკანონმდებლო ორგანოს დაავადებული ხე-მცენარეების მოჭრისთვის კანონმდებლობის დარეგულირებას სთხოვს. საკითხი ბიუროს სხდომაზე უკვე დარეგისტრირდა, ისევე როგორ არასამთავრობო ორგანიზაციების მიერ შემუშავებული ალტერნატიული წინადადებაც.

"ნაციონალურ მოძრაობაში" საკითხის დაჩქარებული განხილვის უკან ყოფილი პრემიერის ინტერესებსაც ხედავენ.

რამდენიმე დღის წინ შესულ წერილზე რეაგირებას პარლამენტის თავმჯდომარე ოპერატიული საქმიანობით ხსნის.