განათლების შესახებ კანონში შესატან ცვლილებებთან დაკავშირებით, 12 პუნქტიანი ანკეტა „აუდიტორია 115-მა" განათლების კომიტეტს უკვე გადუაგზავნა.
თსუ-ის თვითმმართველობის წევრები კი კითხვარს დღეს, დღის ბოლომდე გადააგზავნიან.
კომიტეტის თავმჯდომარესთან 5 დეკემბერს გამართული შეხვედრის შემდეგ, სტუდენტებს სპეციალური ანკეტის შევსება სთხოვეს, სადაც რეფორმებსა და საერთაშორისო გამოცდილებების შესახებ უნდა მიეთითებინათ.
კანონში შესატან ცვლილებებზე მხარეები კვლავ იმსჯელებენ, რის შემდეგაც მარიამ ჯაში სტუდენტების კანონპროექტს პარლამენტს წარუდგენს, მას სავარაუდოდ, საგაზაფხულო სესიაზე განიხილავენ.
„აუდიტორია 115 -ის" მიერ მე-6 კორპუსის პიკეტირების ფაქტს, დღეს, განათლების მინისტრი გამოეხმაურა. მისი თქმით, სასწავლო პროცესზე ხელის შეშლა დანაშაულებრვი ქმედებაა და მან კიდევ ერთხელ მოუწოდა აუდიტორიის წევრებს შეწყვიტონ პიკეტირება.