ინციდენტი ბორჯომში. ნაცემია ტელეკომპანია ,,იბერიის“ ჟურნალისტი გიორგი გასვიანი. მისი თქმით, ფიზიკური შეურაცხყოფა ორ თანმხლებ პირთან ერთად, ბორჯომის რეგიონული სამმართველოს თანამშრომელმა მიაყენა.
გასვიანის განმარტებით, შემთხვევის დროს ის საკუთარ ავტომობილში იჯდა, რა დროსაც მასთან სამი ნასვამი პირი მივიდა, სამოქალაქო ტანსაცმელში ჩაცმული, ბორჯომის რეგიონული სამმართველოს თანამშრომელი კი იარაღით დაემუქრა.
აღნიშნულის შემდეგ, გიორგი გასვიანმა მათ განუცხადა, რომ ის ჟურნალისტი იყო, რის შემდეგაც პოლიციის თანამშრომელი გასვიანის ავტომობილში ჩაჯდა და ჟურნალისტი სასტუმრომდე მიაცილა, გზაში კი დაემუქრა, რომ მომხდარის შესახებ არ განეცხადებინა.
გიორგი გასვიანმა მომხდართან დაკავშირებით გენერალურ ინსპექციას უკვე აცნობა.