საქართველოში ახალი ჰიდროელექტროსადგურის მშენებლობა იწყება. ენერგეტიკის მინისტრმა და „ანადოლუ ჯგუფის" დამფუძნებელმა შესაბამის მემურანდუმს მოაწერეს ხელი.

პროექტის საერთო ღირებულება 90 მილიონ ამერიკულ დოლარს შეადგენს. „ხელედულა 3-ის“ მშენებლობა რაჭა-ლეჩხუმი-ქვემო სვანეთის რეგიონში, ლენტეხის მუნიციპალიტეტში, მდინარე ხელედულაზე იგეგმება.

ჰესის დადგმული სიმძლავრე 50.77 მგვტ-ია, საპროექტო ჰესის ელექტროენერგიის საშუალო წლიური გამომუშავება კი 250 გვტ/სთ იქნება.