უთანხმოებაა დედაქალაქის 2017 წლის ბიუჯეტის პროექტის გარშემოც, რომელიც საკრებულოს კომისიების გაერთიანებულ სხდომაზე განიხილეს.

ოპოზიციას კორექტირებული ვარიანტი ისევ არ მოსწონს. საკრებულოს უმცირესობის შენიშვნები სოციალურ მიმართულებებს, კომუნალურ ვაუჩერებს და ადმინისტრაციულ ხარჯებს ეხება, რის გამოც ოპოზიცია დოკუმენტის მხარდაჭერას არ გეგემავს.

უმრავლესობაში კი ამბობენ, რომ 2017 წლისთვის მუნიციპალიტეტის ადმინისტრაციული ხარჯი 22 მილიონით არის შემცირებული.

მომავალი წლის ბიუჯეტის პროექტი საკრებულოს ხვალინდელ სხდომაზე დასამტკიცებლად გავა. დოკუმენტს დავით ნარმანია წარადგენს.