დეკემბერი 16, 2016
176
გელათის მონასტრის მთავარ ტაძარში წყალი აღარ ჩაედინება. მონასტრის მდგომარეობის შესახებ კომენტარი გელათის ტაძრის ქვისა და ფერწერის რესტავრაციის სამეცნიერო ხელმძღვანელმა ნანა კუპრაშვილმა გააკეთა. მისი ინფორმაციით, სამონასტრო კომპლექსში წყლის ჩასვლის შესაჩერებლად სამუშაოები გუშინვე ჩატარდა.
ნანა კუპრაშვილის განცხადებით, წყალი არა რეაბილიტირებული გუმბათიდან, არამედ სამხრეთ მკლავიდან ჩავიდა, სადაც გადახურვითი სამუშაოები ჯერ არ ჩატარებულა.
წყლის ჩასვლის შედეგად უნიკალური ფრესკები არ დაზიანებულა. გელათში ბოლო ხუთ წელიწადში წყლის ჩასვლის ეს მესამე შემთხვევაა, პრობლემებია ტაძრის ჩრდილოეთ ეკვდერშიც.
სამონასტრო კომპლექსის გადახურვის პროექტი 2014 წლიდან მიმდინარეობს.
მაჩვენე მეტი