ლარის კურსის ვარდნა დღის მთავარი თემაა პარლამენტშიც. 2017 წლის ბიუჯეტის შესწორებულ ვარიანტს ფრაქციების ფორმატში განიხილავენ. უმრავლესობას და უმცირესობას დოკუმენტის პარამეტრებს ფინანსთა მინისტრი აცნობს, რომელსაც დღეს ოპონენტების მწვავე კითხვებზე მოუხდა პასუხების გაცემა.
განსაკუთრებული აქცენტი ეროვნული ვალუტის გაუფასურებაზე კეთდება. მით უმეტეს, რომ ბიუჯეტის პროექტი ლარის ორნახევრიან ნიშნულზეა დაგეგმილი.
საპარლამენტო ოპოზიცია მთავრობას აქციზის გადასახადის მატების და საბანკო სესხების ლარიზაციის გამოც აკრიტიკებს და მთავარი ფინანსური დოკუმენტის მხარდაჭერაზე უარს ამბობს.
11-ნახევარი მილიარდით განსაზღვრული ბიუჯეტის მიხედვით, მცირდება ადმინისტრაციული ხარჯები, პრიორიტეტული სფეროები კი ჯანდაცვა, განათლება და ინფრასტრუქტურაა.